Ողջու՛յն բոլորին․

Ողջու՛յն բոլորին․
Նայում և հիանում եմ այս էջում տեղադրված բոլոր նյութերով։ Ի՜նչ հետաքրքիր են անցնում տեխնոլոգիայի դասաժամերը։ Սիրելի՛ ուսուցիչներ, ոգևորվելով ձեր ներկայացրած նյութերով Ձեր ուշադրությանն եմ ներկայացնում Տավուշի մարզի Հաղարծինի միջնակարգ դպրոցի աշակերտների ստեղծագործություններից մի քանիսը։
Պատրաստվում ենք կազմակերպել ամանորյա դասարանական ցուցահանդես- տոնավաճառ՝ տեխնոլոգիա առարկային ինտեգրված <<Ձեռնարկատիրական կրթության>> բաղադրիչների << Ձեռներեց և ձեռներեցություն>>, <<Բարիք>>, <<Բիզնես գաղափար>> թեմաների ուսումնասիրությունների շրջանակներում ստացած գիտելիքներով և հմտություններով։
ՈՒսուցչուհի՝ Լուսինե Մանուկյան

«Ստվերներ» թատերախմբի «Իմ մասին» ներկայացումը

2017թ. նոյեմբերի 5-12-ին տեղի ունեցավ Մինորա մշակութային կենտրոնի «Էտյուդ» խոագիրը կրող  2017թ. թատերարվեստի, ասմունքի հանրապետական մրցույթ-փառատոնը: Մրցույթ-փառատոնին մասնակցեցին Հայաստանի գրեթե բոլոր մարզերից մոտավոր հիսուն թատերական խմբեր: Մրցույթին իր մասնակցությունն ունեցավ նաև Հաղարծինի դպրոցի  «Ստվերներ» թատերախումբը՝«Իմ մասին» ներկայացմամբ: «Ստվերներ» թատերախումբը բազմաթիվ անգամներ մասնակցել է տարբեր մրցույթների, արժանացել բազմաթիվ մրցանակների և հանդիսատեսի համակրանքին: Այս անգամ էլ  թատերախումբը հուսախաբ չարեց իր երկրպագուներին: Համահայկական մրցույթում զբաղեցրեց պատվավոր  3-րդ տեղը և վերադարձան հաղթական գավաթով:

Թատերախմբի գեղարվեստական ղեկավար՝ Լ. Մանուկյան:

Փոքրիկ դերասանների խմբում փայլուն կերպով հանդես եկան՝

 

  1. Սյուզաննա Բաբինյանը 12-րդ դասարան
  2. Աստղիկ Պետրոսյանը 10-րդ դասարան
  3. Օֆելյա Հակոբյանը 8-րդ դասարան
  4. Մարի Թամրազյանը 8-րդ դասարան
  5. Մերի Խառատյանը 8-րդ դասարան
  6. Նարեկ Առուստամյանը 8-րդ դասարան
  7. Ռիտա Թամրազյանը       8-րդ դասարան
  8. Վլադիմիր Պետրոսյանը 8-րդ դասարան
  9. Աննա Պողոսյանը     8-րդ դասարան
  10. Ամալյա Ստեփանյանը 8-րդ դասարան
  11. Նարեկ Սողոմոնյանը 8-րդ դասարան
  12. Նառա Պետրոսյանը 8-րդ դասարան

 

Շնորհակալագրերով և դիպլոմներով պարգևատրվեցին Հաղարծինի դպրոցի տնօրեն Գ. Թամամյանը, թատերախմբի գեղարվեստական ղեկավար՝ Լ. Մանուկյանը և բոլոր 12 մասնակիցները:

Ասմունքի մանկապատանեկան մարզային մրցույթ

 Դեկտեմբերի 2-ին Տավուշի մարզպետարանի նիստերի դահլիճում կայացավ «Արցախյան ազատամարտ — 30» խորագիրը կրող «Ասմունքի մանկապատանեկան հանրապետական մրցույթ»-ի մարզային փուլը, որին մասնակցում էին մարզի տարբեր համայնքներ ներկայացնող 42 աշակերտներ:

Հաղարծինի միջն. դպրոցը այդ մրցույթին ներկայացավ 2 մասնակցով՝ 11-14 տարեկանների տարիքային խմբում ներկայացավ Աստղիկ Թամրազյանը, իսկ 15-17 տարեկանների տարիքային խմբում՝ Շուշանիկ Աղաջանյանը:

Յուրաքանչյուր տարիքային խմբից 1-ին, 2-րդ, 3-րդ մրցանակային տեղերն զբաղեցնող մասնակիցներն ստացան հանրապետական փուլին մասնակցելու իրավունք:

Հաղարծինի միջն. դպրոցի աշակերտուհի Շուշանիկ Աղաջանյանն զբաղեցրեց 2-րդ պատվավոր հորիզոնականն ու անցավ հանրապետական փուլ:

Շնորհավորում ենք հանրապետական փուլ անցած 6 մասնակիցներին և մաղթում հաղթանակ:

Հաշմանդամների իրավունքների պաշտպանության միամսյակ

Նոյեմբերի 15-ից դեկտեմբերի 15-ը Դիլիջանի «Հույսի կամուրջ» հկ-ն իրականացնում է հաշմանդամների իրավունքների պաշտպանության միամսյակ, որի շրջանակներում այցեր են կատարվում բոլոր դպրոցներ և իրականացվում բարության, ձեռքի աշատանքի, նկարչության դասեր, կատարվում է իրազեկում հաշմանդամների իրավունքների մասին:
Այսօր «Հույսի կամուրջ» հկ-ի աշխատակիցները Հաղարծինի միջնակարգ դպրոցում կազմակերպեցին բաց դասեր՝ 5-1 դասարանում ձեռի աշխատանքներ, 5-2 դասարանում ՝ նկարչությոան և 8-2 նդասարանում ՝ «Բարության դաս» :

«Դրամը Ձեր պատկերացմամբ» նկարչական մրցույթի մրցանակաբաշխությունը

Սույն թվականի նոյեմբերի 23-ին ՀՀ ԿԲ ԴՈՒԿ «Գիտելիք հանուն զարգացման» կենտրոնում կայացավ «Դրամը Ձեր պատկերացմամբ» նկարչական մրցույթի մրցանակաբաշխությունը: 1-ին տեղերը զբաղեցրած և «Հանդիսատեսի համակրանք» անվանակարգում հաղթող ճանաչված մասնակիցները պարգևատրվեցին «Արշակ Ֆեթվաճյան-150» արծաթե հուշադրամով, իսկ 2-րդ տեղերը զբաղեցրած մասնակիցները` «Ճախարակ» արծաթե հուշադրամով:
Լավագույն պատկերագրություն անվանակարգում հաղթեցին`
1-ին տեղ — Ռիտա Մարտիրոսյան,
2-րդ տեղ — Ալիկ Հախվերդյան:
Լավագույն ստեղծագործական մոտեցում անվանակարգ`
1-ին տեղ — Աստղիկ Աբովյան,
2-րդ տեղ — Արտյոմ Արզումանյան:
Պատկերագրություն և ստեղծագործական լավագույն համադրում անվանակարգ`
1-ին տեղ — Աստղիկ Թամրազյան,
2-րդ տեղ — Ռիտա Մարտիրոսյան:
Հանդիսատեսի համակրանք անվանակարգ`
Աստղիկ Պետրոսյան:
Շնորհավորում ենք բոլոր մասնակիցներին և մաղթում նորանոր հաղթանակներ: