Հաղարծինի միջնակարգ դպրոցում կոռուպցիոն բնույթի դեպքի կամ շահերի բախման կամ էթիկայի կանոնների կամ անհամատեղելիության պահանջների կամ այլ սահմանափակումների կամ հայտարարագրման հետ կապված խախտման կամ հանրային շահերին ուղղված այլ վնասի կամ դրանց սպառնալիքի վերաբերյալ տեղեկությունների գրավոր կամ բանավոր հաղորդման համար արտաքին և ներքին ազդարարման պատասխանատու է նշանակվել դպրոցի ուսումնական գծով փոխտնօրեն Աիդա Շավարշի Մուկուչյանը , հեռախոս   093-08-65-64:

Բնապահպանների միջազգային օր

Մենք՝ պատանի բնապահպաններս, երեկ՝ բնապահպանի միջազգային օրվա կապակցությամբ, հանդիպում ունեցանք Դիլիջան ազգային պարկի աշխատակիցների հետ: Այցելեցինք Աղավնավանք, <<Կենու պուրակ >>։ Շատ հաճելի օր ունեցանք, ստացանք բազմաթիվ տեղեկություններ։ Եվ այս ամենի համար ցանկանում եմ ի սրտե շնորհակալություն հայտնել Դիլիջան ազգային պարկին, և ընկեր Մանուկյանին, որ ինչպես միշտ մեզ հաճելի ժամանց պարգևեց……

Մայիսյան հերոսամարտերին նվիրված միջոցառումներ

Հաղարծինի միջնակարգ դպրոցի <<Նռանե>> պարի խումբը  և 9-2 դասարանի աշակերտ Արման Թամամյանը Դիլիջանում մասնակցեցին Հայաստանի Հանրապետության անկախության և մայիսյան հերոսամարտերին նվիրված միջոցառմանը:

Միջոցառումը կազմակերպված էր մեծ շուքով, որն առավել գեղեցկացրին մեր դպրոցների սաները՝ իրենց ինքնատիպ կատարումներով: Հանդիսատեսի շարքերում էին նաև Հաղարծինի միջնակարգ դպրոցի սաներն ու ուսուցիչները:

Սուրբ Հարության տոն

Հաղարծինի կիրակնօրյա դպրոցը Սուրբ Հարության տոնին հյուրընկալեց Գոշի, Աղավնավանքի, Խաչարձանի, Թեղուտի կիրակնօրյա դպրոցների

աշակերտներին՝ միասին տոնելու Սուրբ Զատիկը:

Մարտի 8-ին նվիրված միջոցառում Հաղարծնի միջնակարգ դպրոցում: Միջոցառման ժամանակ իրենց ակտիվ մասնակցությունն ունեցան նաև կրթության առանձնահատուկ պայմանների կարիք ունեցող աշակերտները: Մայրիկների և ուսուցիչների օրն ավելի գեղեցիկ դարձրեց և կազմակերպչական աշխատանքները ղեկավարեց Շուշանիկ Փիրումյանը(Հաղարծնի միջնակարգ դպրոցի ուսուցչի օգնական):